Դամասկոսում Ռուսաստանի դեսպանատունը գնդակոծվել է

Դամասկոսում ՌԴ դեսպանատունը գնդակոծության է ենթարկվել, փոխանցում է РИА Новости-ն՝ հղում անելով դիվանագիտական ներկայացուցչության աշխատակցին:

«Սիրիայի մայրաքաղաքում ռուսական դեսպանատան տարածքում երկու ական է ընկել: Դիվանագիտական առաքելության աշխատակիցների շրջանում տուժածներ չկան: Նյութական վնաս է հասցվել դեսպանատան շենքին»,- ասել է դիվանագիտական ներկայացուցչության աշխատակիցը:

Ականտեսների խոսքով՝ մի քանի ական է պայթել Սիրիայում Ռուսաստանի գործողություններին աջակցող խաղաղ ցույցի վայրում: