Նոր ծանոթություն հաստատելիս կարելի է ընդամենը մի քանի վայրկյանում հասկանալ, թե ինչպիսի մարդու հետ գործ ունեք: Հոգեբան Ջին Հեների կարծիքով` ճիշտ կարծիք ձևավորելու համար բավական է միայն ուշադրություն դարձնել զրուցակցի դեմքի ձևին: Այն շատ բան կարող է ասել մարդու բնավորության, մտածողության ձևի, հուզական հատկանիշների մասին:
Եռանկյուն
Դեմքի նման կառուցվածք ունեցողներն առանձնանում են պատասխանատվության բարձր զգացումով: Նրանց մեջ հաճախ են հանդիպում ստեղծագործողները: Դեմքի այս ձևը կարող է հուշել նաև բռնկուն բնավորության մասին:
Քառակուսի
Դեմքի այս ձևն ունեցող մարդիկ առանձնանում են վերլուծական մտքով և տոկունությամբ, պնդում է ֆիզիոլոգ Ջին Հեները:
Նրանք նաև օժտված են խանդավառությամբ, ունակ են իրենց վրա վերցնել ցանկացած առաջադրանք: Ըստ մասնագետների` լայն ճակատը և արտահայտիչ այտոսկրերը հուշում են նաև հուսալիության մասին:
Օվալ
Օվալաձև դեմք ունեցողները կյանքում ամեն ինչից վեր են դասում կարիերան և որպես կանոն` հասնում են հաջողության:
Կարևոր է նաև, որ ձվաձև դեմք ունեցողները կարողանում են կարեկցել:
Սիրտ
Ջին Հեների խոսքով` սրտաձև դեմք ունեցողները կամակոր են, ինքնավստահ և նպատակասլաց:
Նրանք նաև լավ բնազդով են օժտված, զգում են խաբեությունը մեծ հեռավորությունից:
Շեղանկյուն
Ջին Հեներն այս ձևն անվանում է «ադամանդ»: Սուր լեզու և ամեն տեղ ամեն ինչ վերահսկողության տակ պահող. սա այն ամենն է, ինչ պետք է իմանալ այս մարդկանց մասին: Նրանք կատարում են աշխատանքն առավելագույն արդյունավետությամբ:
Ուղղանկյուն
Նման մարդիկ բավական ներշնչվող են, միևնույն ժամանակ` չեն սիրում շատ խոսել իրենց զգացմունքների մասին: Նրանք պարզապես տանել չեն կարողանում սենտիմենտալ զրույցներ: Նրանց կարևորագույն կողմը տրամաբանական մտածողությունն է: Նման մարդիկ, սակայն, մշտապես կարիք ունեն ներքին լարվածությունից ազատվելու:
.gif)
