Կառավարության նիստից հետո արտաքին գործերի փոխնախարար Շավարշ Քոչարյանը հայտնեց, որ Եվրասիական տնտեսական միության կոլեգիայի նախագահի պաշտոնում Հայաստանի նախկին վաչապետ Տիգրան Սարգսյանի նշանակումն անվիճելի էր բոլոր անդամ պետությունների համար:
«Նախագահի տեղը պատկանում է Հայաստանին՝ համաձայն Եվրասիական տնտեսական միության մասին համաձայնագրի: Ըստ այդ համաձայնագրի՝ պետք է հերթով, այբբենական ցանկով և չորս տարի ժամկետով ղեկավարվի պետությունների ներկայացուցիչների կողմից: Հիմա երկու հարց կար՝ առաջինը, արդյոք շարունակելու են պետությունները երեքական ներկայացուցիչ ունենալ: Ինչո՞ւ, որովհետև այդ թիվը ֆիքսված չէ, դա վերապահված է բարձրագույն խորհրդին: Բարձրագույն խորհուրդը մի որոշում կայացրեց, որ պետք է երկու անդամ լինի, դա ենթադրում է կառուցվածի վերանայում: Երկրորդը, միաժամանակ քանի որ Հայաստանն է ղեկավարելու կոլեգիային, Հայաստանի թեկնածությունը հաստատվեց»,- ընդգծեց նա:
Քոչարյանի խոսքով, ԵՏՄ անդամ երկրների ղեկավարներն աշխատել են Տիգրան Սարգսյանի հետ, հետևաբար նրա թեկնածության հարցում որևէ տարաձայնություն չի եղել: Շավարշ Քոչարյանը խորհուրդ տվեց ԵՏՄ անդամ պետությունների ներկայացուցիներից հարցնել, թե ինչու էր նրա թեկնածությունն անվիճելի:
.gif)
