ՀՀ նախագահի մամուլի ծառայությունը հաղորդագրություն է տարածել, որում ներկայացված է ՀՀ նախագահի մամուլի քարտուղար Արմեն Արզումանյանի արձագանքը “Ժառանգություն” կուսակցության առաջնորդ Րաֆֆի Հովհաննիսյանի՝ պատասխան նամակի կապակցությամբ։ Հաղորդագրությունում, մասնավորապես, ասվում է հետևյալը.
“Ժառանգություն” կուսակցության ղեկավար Րաֆֆի Հովհաննիսյանի՝ ս. թ. մարտի 26-ին ՀՀ նախագահ Սերժ Սարգսյանին հասցեագրված նամակի վերաբերյալ հարկ է արձանագրել երեք հանգամանք.
1. Նախագահ Սերժ Սարգսյանը մշտապես աչքի է ընկել մեծ համբերատարությամբ, և նա միշտ կառուցողական է իր քայլերում,
2. Նախագահի՝ ս. թ. մարտի 25-ի նամակում արված առաջարկությունը դեռ շարունակում է մնալ ուժի մեջ՝ չնայած հրապարակից հնչող անհիմն վերջնագրերի լեզուն ժամ առ ժամ նվազեցնում է դրա արդիականությունը,
3. Նախագահի հանդիպումները կազմակերպվում են վաղօրոք պլանավորված արարողակարգով, կանխավ ամրագրված ժամերի և տեղի են ունենում նախագահական նստավայրում:
.gif)
