Այսօր խորհրդարանում իրավիճակը թեժացավ, երբ ՀՅԴ և ՀԱԿ պատգամավորներ Արծվիկ Մինասյանն ու Հրանտ Բագրատյանը բանավեճի մեջ մտան: Ամեն ինչ սկսվեց նրանից հետո, երբ Մինասյանն իր խոսքում անդրադարձավ Բագրատյանի երեկվա ելույթին: «Նա բաներ է ասել, որ բացարձակ կապ չունեն այս սահմանադրական փոփոխությունների հետ»,- հայտարարեց ՀՅԴ պատգամավորը:
Հրանտ Բագրատյանն արձագանքեց. «Ի՞նչ եք ձեր վրա վերցնում, պարոն Մինասյան: Հրապարակավ մի հրավիրի ինձ բանավեճի, մոտեցի առանձին հրավիրի: Ես ուզում եմ բանավեճի գնալ սահմանադրության նախագծի հեղինակների հետ: Քո հետ հենց հիմա դուրս գանք բանավիճենք: 80 տարի առաջ հանրապետությունից բան չթողեցիք, արա: Սենց բաներ մի արեք, մանավանդ դուք իշխանություն չեք, ինչի՞ եք մեյդան ընկնում, մեջ ընկնում, իյա»:
«Ես խնդրում եմ ավելի պատշաճ, նույնականացման քարտի համար մի վիճեք»,- միջամտեց ԱԺ նախագահ Գալուստ Սահակյանը:
.gif)
