![](https://armlur.am/wp-content/uploads/2015/10/151031013831_saakashvili_640x360_reuters_nocredit.jpg)
Վրաստանի փոխարտգործնախարար Դավիթ Ջալագանիան երեկ հանդիպել է Վրաստանում Ուկրաինայի գործերով ժամանակավոր հանձնակատար Գեորգի Նազարովին:
Ինչպես հայտնում է Վրաստանի ԱԳՆ-ն, Գեորգի Նազարովը կանչվել է Վրաստանի արտգործնախարարություն: Փոխարտգործնախարար Դավիթ Ջալագանիան Ուկրաինայի ներկայացուցչին է հանձնել Վրաստանի պաշտոնական բողոքի նոտան:
«Վրացական կողմն իր ծայրահեղ դժգոհությունն է հայտնել ԶԼՄ-ներում տեղ գտած Օդեսայի նահանգապետ Միխայիլ Սաակաշվիլիի հայտարարությունների կապակցությամբ, որոնք Վրաստանի կայունությանն ու անվտանգությանը սպառնալիք են պարունակում»,- հայտարարել է նախարարությունը: