Վթար Աշտարակ-Երևան ավտոճանապարհին

Հոկտեմբերի 31-ին, ժամը 23.01-ին ահազանգ է ստացվել, որ Աշտարակ–Երևան ավտոճանապարհի 2-րդ կմ-ում տեղի է ունեցել ՃՏՊ. առկա է գազի արտահոսք:

Դեպքի վայր է մեկնել մեկ մարտական հաշվարկ:

Պարզվել է, որ «Մերսեդես» մակնիշի (վարորդի տվյալները ճշտվում են) 67 NR 777 պետհամարանիշի ավտոմեքենան դուրս է եկել ճանապարհի երթևեկելի մասից և բախվել բետոնե արգելապատնեշին:

Հրշեջ-փրկարարները հոսանքազրկել են ավտոմեքենան և փակել գազի բալոնի փականը: