ՀԱՅԱՍՏԱՆԸ ԿԱՆԳՆԱԾ Է ԼՈՒՐՋ ՄԱՐՏԱՀՐԱՎԵՐՆԵՐԻ ԱՌԱՋ

Թեեւ Երեւան քաղաքի ավագանու ընտրությունների  քարոզարշավին դեռեւս ժամանակ կա, բայց, ինչպես նկատում ենք, գործող քաղաքապետ Տարոն Մարգարյանն արդեն իսկ սկսել է իր քարոզարշավը: Հեռուստատեսությամբ գրեթե ամեն օր ներկայացնում են նրա այցերը, իրականացրած աշխատանքները: Ավելին, Տարոն Մարգարյանը կարծես թե մենաշնորհել է Րաֆֆի Հովհաննիսյանի «բարեւը»: 

ՊԱՏԱՍԽԱՆ. Ռոմանտիկ բաների հետեւից եք ընկնում: Հայաստանը լուրջ, ծանր խնդիրներ ունի: Այս իշխանությունները շարունակում են ավիրել երկիրը, կա՛մ սրանք մինչեւ վերջ կքշեն մարդկանց, կա՛մ կգան մարդիկ, որոնք այդ մահաբեր գործընթացը կկանգնեցնեն: Փորձեք խնդիրներին մեծ պրոբլեմներից մոտենալ, թե չէ` ով, որտեղ կամ ում… Հայաստանը կանգնած է լուրջ մարտահրավերների առաջ: Կա՛մ մենք համախմբվելու ենք, կա՛մ Հայաստանը կշարունակի արյունաքամ լինել: Մենք աշխատում ենք այդ համախմբման ուղղությամբ, եւ Երեւանի ավագանու ընտրությունները կարող են քայլ կամ հանգրվան լինել: Բոլոր քաղաքական ուժերը պետք է հասկանան այս ծանր իրավիճակը: Այս փուլի համար լավ կլինի` միասին աշխատենք, որպեսզի կեղծիքները քիչ լինեն, քանի որ այս իշխանությունները չեն կարող ապրել առանց կեղծիքի, իրենք պետք է կեղծեն, որ կարողանան ապրել: Եվ կրկնում եմ` եթե այս փուլում քաղաքական ուժերը միավորվեն, ապա կարող է լուրջ ճակատ ձեւավորվել արդար ընտրություններ իրականացնելու համար:  Ես դեռ լավատես եմ:

ՊԱՏԱՍԽԱՆ. Ցանկանում եմ նշել, որ պետք  չէ «բարեւը» ինչ-որ մեկին սեփականաշնորհել եւ ինչ-որ մեկին վերագրել: Եթե դուք հետեւել եք Տարոն Մարգարյանի գործողություններին, ապա կտեսնեք, որ նա միշտ էլ մարդկանց ողջունել ու բարեւել է: Եթե պետք է հեղափոխություն իրականացվի, ապա չեմ կարծում, որ դա կլինի «բարեւի» միջոցով: Մենք այդ հեղափոխությունը շատ վաղուց ենք իրականացրել, երբ անկախացանք, եւ դա մեր ամենակարեւոր հեղափոխությունն էր: Մյուս հեղափոխությունները, եթե կլինեն բարեւի, արեւի, թե չգիտեմ ինչի, ապա թող դրանք միայն արեւ բերեն, բարիք բերեն, այլ ոչ թե կեղծ բարեւներ, կեղծ բարություն, կեղծ արեւներ եւ այլն: