Հայաստանը գնում է Եվրամիության հետ ընդհանուր ավիացիոն գոտու համաձայնագիր կնքելու ուղղությամբ։ Այս մասին Ազգային ժողովում նշեց արտաքին գործերի նախարարի տեղակալ Կարեն Նազարյանը՝ պատասխանելով «Ժառանգություն» խմբակցության պատգամավոր Թևան Պողոսյանին:
«Ակնկալում ենք, որ դեկտեմբերին Եվրամիության կողմից կտրվի այդ համաձայնագիրը կնքելու համար անհրաժեշտ մանդատ, իսկ բուն բանակցությունները կսկսվեն հունվարից», – նշեց Նազարյանը:
Նրա խոսքով՝ սա մի հարց է, որ իրենք քննարկում են նաև երկկողմ մակարդակների վրա: «Հուսամ, որ շուտով կունենանք դրական արդյունքներ, կվերաբացվեն դեպի Լեհաստան, Չեխիա ու նաև այլ ուղղություններով նախկինում եղած և ընդհատված հաղորդակցությունները», եզրափակեց ԱԳ փոխնախարարը:
.gif)
