Իսպանիայում ՆԱՏՕ-ի զորավարժություններին մասնակցող ուղղաթիռ է վթարի ենթարկվել

Նոյ 06,2015 12:45
ՀԵՏԵՎԵՔ ՄԵԶ Telegram-ՈՒՄ

Իսպանիայում Սարագոսա քաղաքի մոտ չեխական ռազմաօդային ուժերի ուղղաթիռ է վթարի ենթարկվել, որը մասնակցում էր ՆԱՏՕ-ի զորավարժություններին. փոխանցում է РИА Новости-ն:

«Ուղղաթիռում անձնակազմի 5 անդամ և 11 զինծառայող է գտնվել: 5 զինծառայող վնասվածքներ են ստացել, ովքեր հոսպիտալացվել են: Նրանց կյանքին վտանգ չի սպառնում»,-ասվում է չեխական Ceske noviny կայքում տեղակայված հաղորդագրության մեջ:

Դեպքի հետաքննության համար Իսպանիա է մեկնել Չեխիայի պաշտպանության նախարարության հանձնաժողովը:

ՆԱՏՕ-ի զորավարժություները, որոնք կավարտվեն նոյեմբերի 6-ին, անց են կացվում Իսպանիայի, Իտալիայի և Պորտուգալիայի տարածքում, Միջերկրական ծովում և Ատլանտյան օվկիանոսում:

Թարգմանիչ՝ Քրիստինե Պողոսյան 




Լրահոս

ԿԱՐԴԱՑԵՔ ՆԱԵՎ

Նման նյութեր