Մարտի 29-ին, ժամը 22.40-ին, ոստիկանության “Զվարթնոց”օդանավակայանի գծային բաժնում ահազանգ է ստացվել, որ Մոսկվա-Երեւան չվերթի ինքնաթիռում անկարգ ուղեւոր կա:
Ոստիկանության լրատվության վարչությունից հայտնում են, որ մեկնած օպերատիվ խումբը պարզել է, որ Մոսկվա-Երեւան թիվ 261 չվերթի ուղեւոր, ՌԴ քաղաքացի, 26-ամյա Նիկիտա Տ.-ն ինքնաթիռի վայրէջքից հետո մոտ 10-15 րոպե կոպիտ կերպով խախտել է հասարակական կարգը, հայհոյել, բռունցքներով հարվածել եւ վնասել օդանավակայանի ավիացիոն անվտանգության ծառայողական մեքենան եւ չի ենթարկվել անվտանգության աշխատակիցների օրինական պահանջներին:
Նիկիտա Տ.-ն բերման է ենթարկվել ոստիկանություն: Հանգամանքները պարզվում են: Կատարվում է հետաքննություն:
.gif)
