Ուկրաինան կվերադարձնի Ղրիմը. Պորոշենկո

Ուկրաինայի նախագահ Պյոտր Պորոշենկոն վստահ է, որ միջազգային հանրությունը երբեք չի ընդունի Ղրիմի անեքսիան, և այն կվերադարձվի Ուկրաինային: Այս մասին նա հայտարարել է Conflict Zone ծրագրի շրջանակներում, որը կթողարկվի նոյեմբերի 11-ին DW հեռուստաալիքի եթերում:

«Եթե մենք համակերպվենք և ընդունենք, ապա դա կլինի անվտանգության գլոբալ համակարգի խախտում և ոչնչացում: Ինչպես 1938-ին»,-նշել է նա՝ օրինակ բերելով Ավստրիայի անշլյուսը նացիստական Գերմանիային:

Նրա խոսքով՝ Ուկրաինայի համար անվտանգության միակ երաշխիքը ՆԱՏՕ-ին անդամակցությունն է:

Խոսելով Դոնբասում կոնֆլիկտի կարգավորման մասին` Ուկրաինայի նախագահը խոստացել է, որԿիևը ժամանակին կկատարի Մինսկի համաձայնագրերի բոլոր դրույթները:

Թարգմանիչ`  Քրիստինե Պողոսյան