Հրդեհներ

Ապրիլի 2-ին, ժամը 11.59-ին ահազանգ է ստացվել, որ Գեղարքունիքի մարզի Ներքին Գետաշեն գյուղում այրվում է չբնակեցված տնակ: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 12.07-ին, մարվել` 12.38-ին: Պարզվել է, որ հրդեհը բռնկվել է Ներքին Գետաշեն գյուղի “Վերին Դեմեր” թաղամասի 2-րդ փողոցի թիվ 9 տան խորդանոցում: Այրվել են Սպարտակ Գորանցյանին պատկանող խորդանոցի փայտյա  կառուցատարրերը՝ 12 քմ:

Նույն օրը, ժամը 14.59-ին ահազանգ է ստացվել, որ Արմավիրի մարզի Ծաղկունք գյուղում այրվում է խոտածածկ տարածք: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 15.15-ին, մարվել` 15.21-ին:

Արամ Զադոյանին պատկանող տան այգում այրվել է 1500 քմ խոտածածկ տարածք:

Նույն օրը, ժամը 15.19-ին ահազանգ է ստացվել, որ Կոտայքի մարզի Եղվարդ քաղաքում` հուշարձանի մոտակայքում, այրվում է խոտածածկ տարածք:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 16.03-ին, մարվել` 16.21-ին: Սուրբ Սարգիս մատուռի մոտակայքում այրվել է 1,2 հա խոտածածկ տարածք և եղեգնուտ:

Նույն օրը, ժամը 15.39-ին ահազանգ է ստացվել, որ Երևանյան լճի ափին՝ ԱՄՆ դեսպանատանը հարակից տարածքում,  այրվում է եղեգնուտ:Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 15.58-ին, մարվել` 16.06-ին: Այրվել է 1500 քմ եղեգնուտ:

Նույն օրը, ժամը 15.39-ին ահազանգ է ստացվել, որ Լոռու մարզի Սարչապետ գյուղի մոտակայքում այրվում է խոտածածկ տարածք: Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 17.23-ին, մարվել` 17.50-ին: Այրվել է 4 հա խոտածածկ տարածք: