Ընդդիմությունը ընտրությունն ու հանրաքվեն չեն տարբերակում, սա հանրաքվե է: ArmLur.am-ի հետ զրույցում, անդրադառնալով նույնականացման քարտերով քվեարկությանը մասնակցելու մասին քննարկումներին, այս մասին ասաց Ազգային ժողովի նախագահ Գալուստ Սահակյանը:
Նա նշեց, որ քննարկումների արդյունքում որոշում է կայացվել, որ նույնականացման քարտերով քվեարկողների համար առանձին սյունակներ լինեն, որտեղ գրված կլինեն քարտերի համարները:
Անդրադառնալով ընդդիմության կողմից հնչած մատները թանաքոտելու առաջարկին, խորհրդարանի ղեկավարն ասաց, թե հիմա էլ կքննարկեն` որ մատով քվեարկեն, որ համոզիչ լինի, ապա հավելեց. «Հումորով ասեմ, որ դա էլ է քննարկվել, մտածում են ցուցամատով: Բայց քանի որ սատիրաս, հումորս տեղն են, քննարկման ժամանակ ասեցի` պետք է օրենքում նաև գրեք, որ կարող է մարդն այդ ցուցամատը չունենա, ո՞ր մատով պիտի քվեարկի»:
Մանրամասները` Armlur.am-ի տեսանյութում.
Նաիրա Հովհաննիսյան, Հովսեփ Հովսեփյան
.gif)
