Երեւանի քաղաքապետ Տարոն Մարգարյանը նախօրեին Դավթաշեն վարչական շրջան կատարած այցի ժամանակ հայտարարել է, թե քաղաքապետարանը Շախմատի ակադեմիայի հետ պայմանավորվածություն ունի մայրաքաղաքի բոլոր վարչական շրջաններում շախմատի դպրոցներ բացելու վերաբերյալ: Նկատենք, որ Մարգարյանի այս հայտարարությունը բավական տարօրինակ է հնչում. բանն այն է, որ Երեւանի վարչական տարածքներում կան մարզադպրոցներ, որտեղ նաեւ շախմատ են դասավանդում: Բացի այդ, շախմատը՝ որպես պարտադիր առարկա, ներգրավված է նաեւ միջնակարգ դպրոցների ուսումնական ծրագրերում: Եվ այսքանից հետո Երեւանի բոլոր վարչական տարածքներում առանձին շախմատի դպրոցներ բացելու հայտարարությունը, մեղմ ասած, տարօրինակ է հնչում: Կարելի է ենթադրել, որ Մարգարյանն այսպես որոշել է մեկ գնդակով երկու նապաստակ սպանել. մի կողմից պոպուլիստական հայտարարություններով փորձում է բնակչությանը դուր գալ, մյուս կողմից էլ Հայաստանի շախմատի ֆեդերացիայի նախագահ Սերժ Սարգսյանին քծնել ու սիրաշահել:
.gif)
