«2012 ԱԺ ընտրություններին Երեւանում մենք հավաքել ենք մեծ թվով քվեներ, եւ ես վստահ եմ, որ այս ընտրություններում մենք կհաղթենք ու Երեւանի կառավարման համակարգում կունենանք մեր մաքսիմում մասնակցությունը»:
Արթուր Բաղդասարյան «Պանորամա»
Նախ՝ այդ «մեծ թվով քվեները» հավաքել էր ոչ թե «Օրինաց երկիր»-ը, այլ ՕԵԿ-ի համար «խփել» էր ՀՀԿ-ն: Չէ՞ որ Սերժ Սարգսյանն ասաց, որ ինչքան պետք է՝ խփում են: Առանց ՀՀԿ-ի ՕԵԿ-ը լավագույն դեպքում կարող էր մասնակցել ոչ թե ԱԺ ընտրություններին, այլ ջեմերի եւ մուրաբաների համահայկական փառատոնին եւ մի լավ տժժալ, ինչպես ասում էր հենց ՕԵԿ փոխնախագահ Հեղինե Բիշարյանը: Այնպես որ, իսկապես հնարավոր է՝ Ա. Բաղդասարյանի կանխատեսումն իրականանա. ի վերջո, մեր երկրում վաղուց ընտրություններ չկան: Կա ընդամենը մեկ հոգու ցանկություն, որը դրսեւորվում է տարբեր կերպ:
.gif)
