ՀԺ.Սպանված երիտասարդի գործով ոստիկանություն են բերման ենթարկվել նրա ընկերներից շատերը

Երեկ Ժամը 15:30-ին Երևանի Տերյան և Կորյուն փողոցների խաչմերուկում`”Ցիտադել” բիզնես կենտրոնի մոտ տեղի ունեցած դանակահարության հետևանքով մահացել 19-ամյա Տիգրան Հայրապետյանը: Նա մահացել է հիվանդանոցի ճանապարհին: Փաստի առթիվ ՀՀ քրօրի 104 հոդվածի 1-ին մասի հատկանիշներով հարուցվել է քրեական գործ: Սպանությունից հետո, “ՀԺ”-ի ունեցած տեղեկությունների համաձայն, ոստիկանության կենտրոնի բաժին են բերվել սպանվածի ընկերներից շատերը, այդ թվում անչափահասներ, որոնք ժամեր շարունակ անց են կացրել ոստիկանությունում և նրանց մոտ չեն թողել ծնողներին: Դա ՀՀ գործող օրենսդրության կոպիտ խախտում է: Երեկ ուշ երեկոյի տվյալներով, սպանության կասկածանքով ձերբակալվածներ չկային: