Թունիսում 17 իսլամիստի են ձերբակալել, ովքեր պլանավորում էին նոյեմբերին մասշտաբային հարձակումներ իրականացնել հյուրանոցների և պետական կառույցների վրա, փոխանցում է Reuters-ը՝ հղում անելով Թունիսի ՆԳՆ տարածած հաղորդագրությանը:
Երկրի ՆԳ նախարարի խոսքով՝ զինյալների թիրախում են հայտնվել քաղաքական գործիչներն ու հատուկ ծառայությունների աշխատակիցները: Ձերբակալվածների մի մասը պատրաստվածություն էր անցնում Լիբիայի և Սիրիայի ուսումնական ճամբարներում:
Ձերբակալվածների մոտ Կալաշնիկովի ավտոմատ, պայթուցիկ սարքեր և մահապարտի գոտի են հայտնաբերել:
Հիշեցնենք, որ մարտի 18-ին Թունիսում զինված անձինք հարձակում էին գործել Բարդո թանգարանի վրա, որը գտնվում է երկրի խորհրդարանից ոչ հեռու: Ահաբեկչության արդյունքում 21 մարդ զոհվեց: Ահաբեկչության պատասխանատվությունը ստանձնեց «Իսլամական պետություն» ահաբեկչական խմբավորումը:
Թարգմանիչ՝ Քրիստինե Պողոսյան
.gif)
