ԱՄՆ-ի նախագահ Բարաք Օբաման Կանադայի վարչապետ Ջասթին Տրյուդոյի հետ հանդիպման ժամանակ հայտարարել է, որ Ռուսաստանն ու Իրանը պետք է որոշում կայացնեն Սիրիայի նախագահ Բաշար Ասադին աջակցելու կամ սիրիական պետությունը պահպանելու շուրջ. փոխանցում է Associated Press-ը:
Օբամայի խոսքով՝ Սիրիայում քաղաքացիական պատերազմը չի ավարտվի, եթե Ասադը հրաժարական չտա: Նրա կարծիքով՝ վերջին դիվանագիտական ջանքերը կարող էին հիմք հանդիսանալ քաղաքական փոփոխությունների համար: Օբաման նաև հույս ունի, որ չնայած նրան, որ ոչ բոլոր կողմերն են հետևում հրադադարի ռեժիմին, նրանց կհաջողվի խաղաղություն պահպանել:
Ավելի վաղ Օբաման նշել է, որ անհնար կլինի հաղթանակ տանել «Իսլամական պետության» ահաբեկիչների դեմ, մինչև որ երկրում իրավիճակը քաղաքական կարգավորում չստանա, որն անհար է Ասադի իշխանության օրոք:
Թարգմանիչ՝ Քրիստինե Պողոսյան
.gif)
