Իսլամիստները միջնորդների օգնությամբ զենք են գնել Ուկրաինայում

«Իսլամական պետություն» ահաբեկչական խմբավորման զինյալները զենք են գնել Ուկրաինայում. փոխանցում է Lifenews-ը:

Զենքի վաճառքը իրականացվել է ոչ ուղղակի, այլ միջազգային հանցավոր խմբավորման միջոցով, որի կազմում ներառված է 10 ահաբեկիչ:

Քուվեյթի ԱԳՆ հայտարարության համաձայն, որը մեջբերում է  Associated Press գործակալությունը, հանցավոր խմբավորման բերման ենթարկված ղեկավարը խոստովանել է, որ զենք է ձեռք բերել Ուկաինայում, որից հետո այն Թուրքիայի տարածքով տեղափոխել է «Իսլամական պետություն» ահաբեկչական խմբավորման զինյալների համար:

Նշվում է, որ խոսքը չինական շարժական FN6 զենիթահրթիռային համակարգերի մասին է:

Հատուկ ծառայությունների աշխատակիցներին հաջողվել է բերման ենթարել 6 կասկածյալի՝ լիբանանցու, Սիրիայի 3 քաղաքացու, եգիպտացու և Քուվեյթի քաղաքացու:

Թարգմանիչ՝ Քրիստինե Պողոսյան