«Հրապարակ» թերթը գրւմ է. «Մեր տեղեկություններով, կառավարությունում շոկ են ապրել` տեղեկանալով, որ ՀՅԴ-ն դեմ է քվեարկելու 2016-ի բյուջեին, որովհետեւ հունվարին ՀՅԴ-ին սպասում էին որպես կոալիցիոն գործընկեր: Բյուջեի քվեարկությունը տեղի կունենա ոչ թե երկուշաբթի մեկնարկող արտահերթին, այլ դեկտեմբերի 7-ի հերթական նիստին:
Մինչ այդ բավականին ժամանակ կա, հնարավո՞ր է ձեր մոտեցումը փոխվի, հարցրինք Արծվիկ Մինասյանին: «Ժամանակ ունենք, առաջիկայում կքննարկենք քվեարկության ձեւը»: Ընտրելու եք «ոչ»-ի եւ «ձեռնպահի՞» միջեւ: «Այո»: Բա կոալիցիա՞ն. ասում են` «ինչ-որ բաներ» եք ուզել, չեք ստացել: «Չկա՛ մեր ուղեգծից եւ վարքագծից որեւէ շեղում, մնացածը ձեր լրագրողական վարքագիծն է»:
Ի դեպ, մեր տեղեկություններով, ՀՅԴ-ի «վարքագիծը» պատճառ է դարձել, որ մոբիլիզացվի ԲՀԿ-ն, որը մեկ մարդու նման «կողմ» է քվեարկելու, ընդ որում` քոչարյանականներն էլ դեմ չեն լինելու. չեն մասնակցելու կամ ձեռնպահ են լինելու»:
Ավելի մանրամասն՝ թերթի այսօրվա համարում:
.gif)
