Այսօր “Տեսակետ” ակումբում “Ազգային անվտանգություն” կուսակցության նախագահ Գառնիկ Իսագուլյանն անդրադառնալով քաղաքական զարգացումներին՝ նշեց, ըստ էության նախագահական ընտրություններից հետո խոսել արտաքին քաղաքականության մասին վաղ է, բայց Հայաստանը միշտ վարել է բազմաշերտ արտաքին քաղաքականություն: Եվ եթե Հայաստանի արտաքին քաղաքականությունը մնա բազմավեկտոր, ապա խնդիրներ չի ունենա: “Հայաստանի ներքին քաղաքական կյանքը հանդարտ է, անհանգստանալու կարիք չկա, անգամ նրանից, որ տեղի են ունենում միջոցառումներ, հանրահավաքներ: Այդ միջոցառումները Հայաստանի ներքին կայանքում որեւէ բան չեն կարող փոխել: Տեղի ունեցավ երդմնակալության արարողություն, մեկն էլ`Ազատության հրապարակում, բայց այն լուրջ ազդեցություն չի կարող թողնել: Այժմ մոտենում են Երեւանի ընտրությունները, բայց թե ինչ փոփոխության այն կարող է բերել, պետք է ուշադիր հետեւել այն երեւույթներին, որոնք հիմա տեղի են ունենում: Ըստ էության` բոլոր ընտրատարածքներում ընդդիմադիր կոսակցությունները ունեն նախագահ, կամ քարտուղար, եւ բավական է, որ այդ կուսակցություները զերծ մնան կուսակցական ամբիցիաներիցե: Իսագուլյանի խոսքով` քանի որ ընդդիմադիր կուսակցություններն առայժմ զբաղված են, թե ում հետ համախմբվեն, այս ընթացքում ՀՀԿ-ն իր բոլոր միջոցները օգտագործում է, որպեսզի հասնի հաղթանակի. “ՀՀԿ-ն շատ ակտիվ է աշխատում, եւ նրան մեղադրել չի կարելի ու եթե մայիսի 5-ին նա հաղթեց, թող որեւէ մեկի կողմից այս փաստը զարմանք չառաջացնի”:
Իսագուլյանը կարծում է, որ Հայաստանում մոտակա երկու տարիներին լուրջ քաղաքական զարգացումներ սպասել անիմաստ է, լուրջ գործընթացները սկսվելու են 2015 թվականի սեպտեմբերի 21-ից հետո: Բոլորը պետք է լծվեն աշխատանքի, քանի որ վերջին ընտրությունները ցույց տվեցին, որ “Ժառանգությունը” արձանագրեց լուրջ թիվ, չունենալով տեղամասերում վստահված անձինք, ռեսուրսներ, բայց կլինի հեղափոխություն, եթե իշխանությունները իշխող քաղաքական մթնոլորտը ճիշտ չօգտագործեն: Եթե չմիավորվեն ընդդիմադիրները, ոչ մի լուրջ բան չեն կարող անելե: Իսագուլյանը գտնում է, որ Հայաստանի ընդդիմադիր դաշտում հիվանդություն է տարածվել, ամեն անգամ ընտրություններից հետո սեփականաշնորհվում է Ազատության հրապարակը: Անդրադառնալով ՀՀՇ-ին` Իսագուլյանը նշեց. “Այդ անունը պետք է փոխվեր, քանի որ այն կարծես բեռ էր դարձել, իսկ ՀԱԿ-ը որպես շարժում պահելն անհնար էր, կարծում է՝ սա է պատճառը, որ Լեւոն Տեր-Պետրոսյանը գնաց նրան, որ ստեղծի նոր կուսակցություն”:
Առավոտ
.gif)
