ՄԱԿ-ում չեն բացառում, որ թուրք-սիրիական սահմանին ռուսական Սու-24 ինքնաթիռի կործանումից հետո ահաբեկչության դեմ պայքարը կբարդանա: Այս մասին հայտարարել է ՄԱԿ-ի պաշտոնական ներկայացուցիչ Ահմադ Ֆաուզին:
«Ռուսական ինքնաթիռի կործանումը կբարդացնի ահաբեկչության դեմ հետագա պայքարը, որը պետք է իրականացվի մարդու իրավունքների և նորմերի պահպանմամբ»,-РИА Новости-ն մեջբերում է ՄԱԿ-ի պաշտոնական ներկայացուցչի խոսքը:
ՄԱԿ-ի ներկայացուցիչները կոչ են անում պահպանել մարդու իրավունքներն ու նորմերը Սիրիայում ռազմական օպերացիայի ընթացքում:
Հիշեցնենք, որ ավելի վաղ Թուրքիայի նախագահ Ռեջեփ Թայիփ Էրդողանը հաստատել է, որ թուրք զինծառայողներն են կործանել թուրք-սիրիական սահմանին ռուսական Սու-24 ինքնաթիռը:
Թարգմանիչ՝ Քրիստինե Պողոսյան
.gif)
