Ռուսաստանը չի ակնկալում, որ ՆԱՏՕ-ն օբյեկտիվություն կցուցաբերի թուրք-սիրիական սահմանին կործանված ռուսական Սու-24-ի կործանման հարցում, դաշինքը Թուրքիայի կողմից է: Այս մասին հայտարարել է ՌԴ ԱԳՆ ղեկավարի տեղակալ Սերգեյ Ռյաբկովը. փոխանցում է РИА Новости-ն:
«Տվյալ իրավիճակում կարևոր է իրականացնել մի շարք միջոցառումներ նման հանցագործություններից ռուսական ուժերի պաշտպանության հարցում»,-համոզմունք է հայտնել Ռյաբկովը:
«Իրավիճակը չափազանց լուրջ է: Չեմ կարծում, որ ՆԱՏՕ-ի գործընկերներից կարելի է օբյեկտիվություն սպասել: ՆԱՏՕ-ն կաջակցի իր դաշանկից Թուրքիային: Թուրքիան արդեն տարածել է այն տարբերակը, որ, իբր, բազմիցս զգուշացրել է մեր անձնակազմին, սակայն, ավելի վաղ Թուրքիան հայտարարել է, որ դա անհայտ ինքնաթիռ է, որի պատկանելիությունը չի հաստատվել»,-հավելել է ՌԴ ԱԳՆ ղեկավարի տեղակալը:
Թարգմանիչ՝ Քրիստինե Պողոսյան
.gif)
