«Մի՛ վիրավորեք Ձեր գործընկերներին (պատգամավորներին), նրանք ոչ թե նշանակվել են, այլ ընտրվել»:

Հովիկ Աբրահամյանն այս խոսքն ուղղել էր Նիկոլ Փաշինյանին՝ ի պաշտպանություն «ընտրված» պատգամավորների: ԱԺ «ընտրված», բայց իրականում նշանակված նախագահի դիտարկումը ճիշտ է միայն հայաստանյան իրականության տեսանկյունից: Իսկ հայաստանյան իրականությունում բոլորն էլ ընտրվում են, պարզապես փողով կամ էլ ճնշումների միջոցով: Ի դեպ, այս բոլոր գործընթացները, մասնավորապես կեղծիքները, խիստ թափանցիկ են: Այսինքն՝ ընտրակեղծաբանության առաջատար մասնագետը Փաշինյանին փաստացի կոչ է արել ընդունել իրականությունն այնպես, ինչպես որ այն կա: Պետք չէ դեմ գնալ իրականությանը: