Թուրքիայի նախագահ Ռեջեփ Թայիփ Էրդողանը հայտարարել է, որ ՌԴ-ի կողմից Սիրիայի կառավարությանը ցուցաբերվող օգնությունը լրջագույն սխալ է: Ինչպես հաղորդում է «Արմենպրես»ը` վկայակոչելով Hurriet-ը, Էրդողանը մասնավորապես նշել է.
«Դա ճիշտ է, որ Սիրիայի ռեժիմին օգնությունը, որը Սիրիայում սպանել է 380 հազար մարդ, խաղ է կրակի հետ: «Իսլամական պետության» դեմ պայքարի առիթով հարվածներ հասցնել ընդդիմադիր խմբավորումներին, որոնք ունեն միջազգային ճանաչում, «խաղ է կրակի հետ»», ասել է Թուրքիայի նախագահը: Նրա խոսքով` օգտագործելով միջադեպը (Սիրիայում ռուսական ինքնաթիռի կործանումը), որում Թուրքիայի արդարացիությունը ճանաչվել է ողջ աշխարհի կողմից, որպես մեր քաղաքացիներին տանջելու միջոց, ովքեր գտնվել են ՌԴում ցուցահանդես այցելելու համար, դա ևս «խաղ է կրակի հետ»», ավելացրել է Էրդողանը:
«Անպատասխանատու կերպով հարվածներ հասցնելով տարածաշրջանի (սիրիական) բեռնատարների ուղղությամբ, որոնք կարող էին գտնվել այնտեղ առևտրի կամ այլ հումանտիար օգնություն հասցնելու նպատակով…Մենք սրտանց խորհուրդ ենք տալիս Ռուսաստանին «չխաղալ կրակի հետ»», ընդգծել է Թուրքիայի նախագահը:
Նոյեմբերի 24-ին ռուսաստանյան Սու 24 ինքնաթիռը Սիրիայի տարածքում թուրքական սահմանից 1 կմ հեռավորության վրա կործանվել է Թուրքիայի օդուժի կողմից արձակված «երկինքերկինք» հրթիռի կողմից եւ վայր ընկել Թուրքիայի սահմանից 4 կմ հեռավորության վրա: Երկու օդաչուներն էլ կատապուլտվել են: Օդապարիկով իջնելու ժամանակ Սիրիայում կառավարական ուժերի դեմ կռվող թուրք հրամանատարը գնդակահարել է օդաչուներից մեկին: Գնդակոծության ժամանակ զոհվել է նաեւ մի ռուս զինծառայող այն խմբի կազմից, որն ուղարկվել էր օդաչուների որոնողականփրկարար գործողություն անցկացնելու համար: ՌԴ նախագահ Վլադիմիր Պուտինն այդ իրադարձությունն անվանել է «ահաբեկիչների հանցակիցների կողմից ՌԴ թիկունքին հարված»: Նա նշել, որ Սու 24-ը չէր սպառնում Թուրքիային եւ ինքնաթիռի հետ կապված ողբերգությունը «լուրջ հետեւանքներ է ունենալու Մոսկվայի եւ Անկարայի միջեւ հարաբերությունների համար»:
.gif)
