«Հիմնադիր խորհրդարան»-ի անդամ Ժիրայր Սէֆիլյանը վաղը կայանալիք անհնազանդության ակցիային ընդառաջ այսօր հանդիպում է հրավիրել լրագրողների հետ, որի ժամանակ ներկայացրեց վաղվա անելիքները:
Ասուլիսի ընթացքում Սէֆիլյանն ամփոփեց մեկ ամսվա գործունեությունը, նշելով, որ ակտիվորեն զբաղվել են քարոզչությամբ և կոչ արել ոչ թե մասնակցել սահմանադրական հանրաքվեին և ոչ ասել, այլ` նախօրոք կասեցնել գործընթացը: «Կոչ եմ անում ժողովրդին հնարավորինս ակտիվ մասնակցել հանրահավաքին, նկատի ունենալ, որ մենք իրենց հրավիրում ենք Ազատության հրապարակ՝ հստակ ծրագրով՝ չվերադառնալ տուն, մինչ կհեռանա այս իշխանությունը:
Մարզերից եկող հայրենակիցներին ասում ենք՝ հնարավորինս փորձելու ենք տրանսպորտի հարցում աջակցել»,- ընդգծեց Սէֆիլյանը:
.gif)
