«Ժողովուրդ» օրաթերթն իր ընթերցողին տեղեկացրել էր, որ Թաթա Սիմոնյանն ու Կրիստինա Օրբակայտեն միասին զուգերգ են ձայնագրել, նաեւ տեսահոլովակ նկարահանել ԱՄՆ-ում: Երգչի պրոդյուսեր Գրիգոր Նազարյանը մեզ տեղեկացրել էր, որ տեսահոլովակը հանդիսատեսի դատին կհանձնեն ապրիլի սկզբին: Երեկ՝ երեկոյան, Թաթա Սիմոնյանի Youtube-յան պաշտոնական ալիքում տեղադրվել է երկար սպասված «Մեր սիրո տոնը» տեսահոլովակը: Երգի երաժշտությունը գրել է Մանե Հակոբյանը, խոսքերի հեղինակը Ավետ Բարսեղյանն է, իսկ տեսահոլովակի ռեժիսորը Վահիկ Փիրհամզեինն է: Թե որքանով են տեսահոլովակն ու երգը հաջողված, թողնում ենք մեր ընթերցողի դատին:
Ի դեպ, երեկ կայացավ եւս մեկ նոր տեսահոլովակի պրեմիերա: Այս անգամ հերոսներն էին` ոստիկանապետ Վլադիմիր Գասպարյանի դուստր Անգելինա Գասպարյանը, Միհրան Ծառուկյանն ու Սոֆի Մխեյանը: Նրանք ներկայացրին ոստիկանների տոնի առթիվ նկարահանված «Դու զավակն ես Աստծո տան» տեսահոլովակը: Երգի հեղինակը Քնարիկ Սասունյանն է:
.gif)
