Որքան էլ Արա Աբրահամյանը ժխտում է, թե ինքը չէ Րաֆֆի Հովհաննիսյանի մոսկովյա այցի մենեջերը, այնուհանդերձ, վերջինիս մոտ կանգնած ,Հրապարակիե աղբյուրը պնդում է, որ նա է հրավիրել Րաֆֆուն` միտինգի հաջորդ օրը լինել իր հյուրը Մոսկվայում: Րաֆֆի Հովհաննիսյանին և նրա ընտանիքի անդամներին դիմավորել է Համլետ Ղուշչյանը, ուղեկցել Աբրահամյանի` Բառվիխայում գտնվող տուն: Թերթի հիշեցմամբ` այդ “դաչաներում” է ապրում ռուսական ողջ “տուսովկան”, այդ թվում և Պուտինը: Հովհաննիսյանները գիշերել են Աբրահամյանենց տանը, վերջինս շատ բարձր ընդունելություն է կազմակերպել նրանց պատվին, զրուցել են, կիսվել: Արա Աբրահամյանն իր մտերիմների շրջապատում ասել է, որ Րաֆֆին շատ խելացի մարդ ու քաղաքական գործիչ է: Որևէ էական հանդիպում Հովհաննիսյանները չեն ունեցել, հաջորդ օրը Մոսկվայում շրջել են ու հետկեսօրին վերադարձել Երևան: Ի դեպ, թերթի աղբյուրները տեղեկացնում են նաև, որ Արա Աբրահամյանը միայնակ է ընդունել նրանց, նրա ընտանիքը, կինն ապրում են Լոս Անջելեսում:
.gif)
