Մելբուրնի սրճարանում անհայտ անձը պատանդ է վերցրել մարդկանց

Ավստրալիական Մելբուրն քաղաքի սրճարաններից մեկում անհայտ անձը պատանդ է վերցրել մարդկանց, փոխանցում է Lifenews-ը՝ հղում անելով Daily Mail Australia-ին:

Հայտնի է, որ տղամարդը զինված է, պատանդ է  վերցրել առնվազն 2 մարդու:

Սրճարանի տարածքը շրջափակված է: Իրավապահ մարմինները բանակցություններ են վարում զավթիչի հետ:

Տեղի ոստիկանության տվյալների համաձայն, դեռևս հիմքեր չկան ենթադրելու, որ տվյալ դեպքը ահաբեկչություն է եղել: Նախնական տարբերակով, պատանդները և նրանց պատանդ վերցրած տղամարդը ծանոթ են եղել:

Ավելի ուշ տեղեկություն է տարածվել, որ 69-ամյա տղամարդուն ձերբակալել են: Մի քանի ժամ նա պատանդներին պահել է սրճարանում, սակայն արդյունքում ինքնուրույն հանձնվել է ոստիկանությանը:

Թարգմանիչ՝ Քրիստինե Պողոսյան