Այսօր լրագրողների հետ հանդիպման ընթացքում «Նոր Հայաստան» հանրային փրկության ճակատի անդամ Անդրիաս Ղուկասյանը, անդրադառնալով ոստիկանության կողմից տարածված հայտարարությանը, նշեց, որ այնտեղ բերված փաստարկները չեն համապատասխանում իրականությանը` ո’չ իրավական գնահատականի առումով, ո’չ էլ փաստարկային:
«Րաֆֆի Հովհաննիսյանը միջամտել էր ոստիկանների և քաղաքացիների միջև առաջացած լարվածությունը նվազեցնելու համար: Անհիմն և անտեղին են այն մեղադրանքները, որ ոստիկանության կողմից հնչեցին քաղաքական գործչի նկատմամբ»,-ասաց Ղուկասյանը:
Հավելենք, որ տարածված հայտարարության մեջ նշվում է, թե 2015 թվականի դեկտեմբերի 4-ին Ազատության հրապարակում անցկացվող հավաքի կազմակերպիչները խոչընդոտել են ՀՀ ոստիկանության ներկայացուցիչների օրինական գործողությունների իրականացմանը:
.gif)
