Պարզվում է՝ ՀՀ հատուկ քննչական ծառայությունը մոտ հինգ ամիս է՝ չի կարող հայտնաբերել, թե ով կամ ովքեր են ԱԺ պատգամավորներ Լեւոն Զուրաբյանի եւ Վարդան Օսկանյանի առանձնազրույցը ձայնագրել եւ տարածել: «Ժողովուրդ»-ի հարցմանն ի պատասխան՝ ՀՔԾ-ից տեղեկացրին. «Հարուցված քրեական գործի շրջանակներում «Google Inc.» եւ «YouTube, LLC» կազմակերպություններից համապատասխան օգտատերերի գրանցման վերաբերյալ տվյալներ ստանալու ուղղությամբ քննչական գործողություններ կատարելու մասին ՀՀ գլխավոր դատախազության միջոցով միջնորդություն է ուղարկվել Ամերիկայի Միացյալ Նահանգների իրավապահ մարմիններին: Միջնորդության կատարման արդյունքները դեռեւս չեն ստացվել, իսկ մինչ այս պահը կատարված քննչական եւ օպերատիվ հետախուզական գործողություններով հնարավոր չի եղել պարզել հանցագործությունը կատարած անձին»: «Ժողովուրդ»-ին ուղարկված ՀՔԾ գրության մեջ նշված է նաեւ, որ որպես մեղադրյալ ներգրավման ենթակա անձին հայտնաբերելու ուղղությամբ ձեռնարկված միջոցառումներն ընթացքի մեջ են: Այսքանից հետո միայն կարելի է ապշել, որ ՀՔԾ-ն այսօրվա տեխնիկական հնարավորությունների պայմաններում հինգ ամիս է՝ չի կարող գտնել հանցագործություն կատարած անձին:
.gif)
