ՌԴն եւ ԱՄՆը համատեղ պատրաստում են ահաբեկչության դեմ պայքարի վերաբերյալ ՄԱԿի Անվտանգության խորհրդի բանաձեւի նախագիծ, որում հատուկ ուշադրություն կդարձվի «Իսլամական պետություն» ահաբեկչական խմբավորման սպառնալիքին եւ
ծայրահեղականների կողմից նավթի առեւտրին:
Այդ մասին, ինչպես տեղեկացնում է «Արմենպրես»ը, դեկտեմբերի 8-ին լրագրողներին հայտնել է համաշխարհային կազմակերպությանն առընթեր ՌԴ մշտական ներկայացուցիչ Վիտալի Չուրկինը: Նրա խոսքով՝ փաստաթուղթը կարող է ընդունվել
դեկտեմբերի 18-ին ԱՄՆի պետքարտուղար Ջոն Քերիի նախագահությամբ կայանալիք նիստում:
«Դա կլինի ահաբեկչության դեմ պայքարին վերաբերող ծավալուն, համապարփակ բանաձեւ, որն էապես կուժեղացնի ԱԽի ներուժն ահաբեկչական սպառնալիքի դեմ պայքարում», ասել է Չուրկինը: «Մենք միանգամայն վստահ ենք, որ բանաձեւը պատրաստ կլինի մինչեւ դեկտեմբերի 18-ը», հավելել է նա, հաղորդել է ՏԱՍՍը:
.gif)
