Ռոյ Ջոնսը ծանր նոկաուտի ենթարկվեց՝ հանդես գալով Ռուսաստանի դրոշի ներքո (տեսանյութ)

Ռոյ Ջոնս կրտսերը, ով վերջերս ռուսական քաղաքացիություն է ստացել, պարտություն է կրել բրիտանացի Էնցո Մակկարինելիի հետ մենամարտում:

Բրիտանացի սպորտսմենը նրան նոկաուտի է ենթարկել 4-րդ ռաունդում:

Սա Ջոնսի համար առաջին մենամարտն էր ռուսական դրոշի ներքո:

Նրան երկար ժամանակ չեն կարողացել ուշքի բերել, նույնիսկ թթվածնային դիմակ են կիրառել, նշում է «Р-Спорт»-ը:

Մենամարտից հետո Ջոնսը հրաժարվել է մասնակցել մամուլի ասուլիսին վատ ինքնազգացողության պատճառով:

Նշենք, որ 46-ամյա Ջոնսը պրոֆեսիոնալ ռինգում 71 մենամարտ է անցկացրել, որից 62-ում հաղթանակ է տարել (45՝ նոկաուտով) և 9 պարտություն կրել: 35-ամյա Մակկարինելին՝ 41 հաղթանակ (33՝ նոկաուտով) և 7 պարտություն: