Պատժիչ գործողությունները լայն թափով շարունակվում են. հայտնի է` հաջորդը ով կլքի պաշտոնը. «ՀԺ»

«Հայկական ժամանակ» թերթը գրում է. «Երեկ իր զբաղեցրած պաշտոնին հրաժեշտ տվեց Նորք-Մարաշ վարչական շրջանի երկարամյա ղեկավար Վարազդատ Մկրտչյանը։ Հաջորդը, մեր ունեցած տեղեկություններով, պաշտոնը կլքի Արաբկիր վարչական շրջանի ղեկավար Հրայր Անտոնյանը։

Օրեր առաջ «ՀԺ»-ն գրել էր, որ դեկտեմբերի 6-ին տեղի ունեցած հանրաքվեից հետո Բաղրամյան 26-ում հրավիրված մեծ հավաքի ժամանակ Սերժ Սարգսյանն ընդգծված սառն է եղել այն անձանց նկատմամբ, որոնց պատասխանատվության տակ գտնվող համայնքներում «այո»-ն ցածր ցուցանիշ է արձանագրել կամ «այո» ապահովելու ընթացքում խախտումներն ու կեղծիքները մեծ աղմուկի պատճառ են դարձել։

Սա ներկաներին թույլ էր տվել ենթադրել, որ շուտով այդ անձինք հրաժեշտ են տալու զբաղեցրած պաշտոններին։ Մեզ հայտնի դարձավ, որ ամենամեծ թվով բողոքներն ու քրեական գործերը Արաբկիր համայնքում են եղել։ «Պատժիչ գործողությունները», իշխանական շրջանակներից ստացած տեղեկությունների համաձայն, առավել լայն թափով կարող են շարունակվել հունվարից։ Ի դեպ, Երևանի քաղաքապետ Տարոն Մարգարյանը երեկ արդեն Նորք-Մարաշ վարչական շրջանի աշխատակազմին է ներկայացրել վարչական շրջանի նորանշանակ ղեկավար Վաղինակ Մկրտչյանին»:

Ավելի մանրամասն՝ թերթի այսօրվա համարում։