Լոս Անջելեսի բոլոր դպրոցները փակվել են ահաբեկչական սպառնալիքի պատճառով

Լոս Անջելեսի ավելի քան 1200 դպրոցներ փակվել են անվտանգության նկատառումներով, փոխանցում է Metro պարբերականը՝ հղում անելով ոստիկանության հայտարարությանը:

Շրջանի իշխանությունները որոշում ընդունեցին այն բանից հետո, երբ հատուկ ծառայություններն ահազանգ ստացան ահաբեկչական սպառնալիքի մասին: Խոսքը տեղադրված ռումբի մասին է, սակայն կոնկրետ որ դպրոցում, հայտնի չէ:

Այդ իսկ պատճառով Լոս Անջելեսի բոլոր դպրոցներում ստուգումներ են անցկացվում, և մոտ 650 հազար երեխա ստիպված է մնալ տանը:

CNN հեռուստաալիքը նշում է, որ հաղորդագրությունները ստացվել են էլեկտրոնային փոստով: Դպրոցները փակելու մասին որոշումն ընդունվել է Կալիֆոռնիայում վերջին ահաբեկչական հարձակումների պատճառով:

Թարգմանիչ՝ Քրիստինե Պողոսյան