ՌԴ նախագահ Վլադիմիր Պուտինը, մեծ մամուլի ասուլիսի ընթացքում պատասխանելով Սաուդյան Արաբիայի կողմից ստեղծած նոր հակաահաբեկչական կոալիցայի մասին հարցին, պատասխանել է, որ այն հակառուսական բնույթ չի կրում:
«Սաուդյան Արաբիայի գլխավորությամբ կոալիցիան, կարծում ենք, հակառուսական բնույթ չի կրում: Բացի Թուրքիայից, որը թշնամական քայլ կատարեց մեր պետության դեմ, որից հետո վատթարացան հարաբերություները, կան նաև Եգիպտոսը և այլ երկրներ: Դաշինքի նախաձեռնողը Սաուդյան Արաբիան է, որի հետ մենք տարբեր մոտեցումներ ունենք սիրիական ճգնաժամի լուծման հարցում: Կան նաև ընդհանուր մոտեցումներ, մենք նրանց հետ կապի մեջ ենք»,-ասել է Պուտինը:
ՌԴ նախագահն իր զարմանքն է հայտնել՝ կապված այն հարցի հետ, թե ինչու երկրները, որոնք ներառված են Սաուդյան Արաբիայի գլխավորությամբ կոալիցիայում, համալրված են նաև ԱՄՆ գլխավորությամբ կոալիցիայի շարքերում:
Ավելի վաղ հաղորդվում էր, որ Սաուդյան Արաբիայի գլխավորությամբ կոալիցիան քննարկում է Սիրիա հատուկ նշանակության ուժեր ուղարկելու հարցը:
Թարգմանիչ՝ Քրիստինե Պողոսյան
.gif)
