Վրաստանի վարչապետ Իռակլի Ղարիբաշվիլին դրական է գնահատել Ռուսաստանի պատրաստակամությունը՝ Վրաստանի հետ վիզային ռեժիմի չեղյալ համարման հարցում, փոխանցում է Gazeta.ru-ն:
Նրա խոսքով՝ սա քայլ է ճիշտ ուղղությամբ:
«Մենք ծանոթացել ենք ՌԴ նախագահ Վլադիմիր Պուտինի հայտարարության հետ, որն արվել է մամուլի ասուլիսի շրջանակներում, և կարծում ենք, որ սա քայլ է ճիշտ ուղղությամբ»,-ասել է Ղարիբաշվիլին:
Ավելի վաղ ամենամյա մամուլի ասուլիսի ընթացքում Պուտինը հայտարարել էր, որ դրական փոփոխություններ են նկատվում Մոսկվայի և Թբիլիսիի միջև հարաբերություններում: Ընդ որում, նա նշել է, որ Ռուսաստանը պատրաստ է չեղյալ համարել Վրաստանի հետ վիզային ռեժիմը:
Թարգմանիչ՝ Քրիստինե Պողոսյան
.gif)
