Սիրիան չեղյալ է համարել Թուրքիայի հետ առանց վիզային ռեժիմը

Դեկտեմբերի 9-ին, այն բանից հետո, երբ Թուրքիայի կառավարությունը միակողմանի կարգով չեղյալ համարեց առանց վիզային ռեժիմի մասին համաձայնագիրը, Սիրիայի կառավարությունը որոշեց պատասխան միջոցներ կիրառել՝ նույնպես չեղյալ համարելով տվյալ համաձայնագիրը. փոխանցում է Regnum-ը՝ հղում անելով SANA գործակալությանը:

Այս մասին ասվում է Սիրիայի ԱԳՆ տարածած հայտարարության մեջ:

Երկու երկրների միջև համաձայնագիրը կնքվել էր 2009թ. նոյեմբերի 13-ին:

Սիրիայի ԱԳՆ հայտարարության մեջ ասվում է, որ Սիրիան ողջ պատասխանատվությունը թողնում է Թուրքիային՝ նման քայլի և երկու երկրների միջև հարաբերությունների վրա ազդեցության հետևանքների համար:

Թարգմանիչ՝ Քրիստինե Պողոսյան