Թուրքական օդուժի կողմից խոցված ռուսական Սու-24-ի «սև արկղը» չի կարող հաստատել վայրը, որտեղ կործանվել է ինքնաթիռը: Այս մասին հայտարարել է հանձնաժողովին մոտ աղբյուրը:
«Այսօր արդեն ակնհայտ է, որ անհնար է տեղեկություն ստանալ այն մասին, թե որտեղ է գտնվել ինքնաթիռը կործանման պահին»,-աղբյուրի խոսքն է մեջբերում «Ինտերֆաքս»-ը:
Հիշեցնենք, որ Սու-24-ի «սև արկղերի» վերծանումը սկսվել է դեկտեմբերի 18-ին: Հաղորդվել է, որ վերծանման առաջին տվյալները հայտնի կդառնան դեկտեմբերի 21-ին:
ՌԴ ռազմատիեզերական ուժերի կոմիտեի ղեկավարի տեղակալ Սերգեյ Դրոնովը հայտարարել էր, որ Սու-24-ի ինքնագրիչը վնասված է:
Թարգմանիչ՝ Քրիստինե Պողոսյան
.gif)
