«Փարավոն» ռեստորանային համալիրում այսօր տեղի ունեցավ 2015թ. Հայաստանի տասը լավագույն մարզիկների պարգևատրման հանդիսավոր արարողությունը, որին մասնակցում էին ՀՀ նախագահ Սերժ Սարգսյանը, ՀԱՕԿ նախագահ Գագիկ Ծառուկյանը, Հայաստանի սպորտի և երիտասարդության հարցերի նախարար Գաբրիել Ղազարյանը, մարզաշխարհի ներկայացուցիչներ և մարզիկներ:
Լավագույն մարզիկներին և մարզիչներին պարգևատրեցին Սերժ Սարգսյանն ու Գագիկ Ծառուկյանը: Լավագույնը ճանաչված բոլոր տասը մարզիկները ՀԱՕԿ նախագահի կողմից նվեր ստացան Hundai մակնիշի ավտոմեքենաներ: Ս. Սարգսյանն ու Գագիկ Ծառուկյանը նաև ելույթներ ունեցան և շնորհակալություն հայտնեցին մարզիկներին` երկրի անունը բարձր պահելու համար:
Սերժ Սարգսյանը նշեց. «Ցանկանում եմ, որպեսզի հաջորդ տարի մեր մարզիկներից որևէ մեկը կամ երկուսն արժանանան օլիմպիական ոսկե մեալի: Մեր ժողովուրդը և մեր մարզիկները դրան արժանի են: Ես վստահ եմ, որ ՀԱՕԿ նախագահ Գագիկ Ծառոււկյանն ամեն ինչ կանի, ոպեսզի վերջապես մեր բոլորիս երազանքն իրականություն դառնա: Ես չեմ ասում, թե Գագիկ Ծառուկյանն է գնալու այնտեղ մեդալը նվաճի, այլ, որ Գագիկ Ծառուկյանը մեծ աշխատանք ունի կատարելու»:
Մանրամասները` Armlur.am-ի տեսանյութում
Նաիրա Հովհաննիսյան, Նարեկ Սարգսյան, Հովսեփ Հովսեփյան
.gif)
