Երևանում լայն թափով ձնամաքրման աշխատանքներ են իրականացվում. վստահեցնում է քաղաքապետարանը

ArmLur.am-ը Երևանի քաղաքապետարանի լրատվության վարչությունից տեղեկանում է, որ ձյան տեղումների դադարից հետո մայրաքաղաքի բոլոր վարչական շրջաններում լայն թափով մեկնարկել են փողոցների ձնամաքրման ու ձնահեռացման աշխատանքները: Այս ամենին զուգահեռ` փողոցները մշակվում են աղի ու ավազի խառնուրդով: Իրականացվող աշխատանքները համակարգվում են Երևանի քաղաքապետարանի համապատասխան ծառայությունների և հատուկ օպերատիվ շտաբի կողմից: Աշխատանքների ընթացքը տեղերում վերահսկում են վարչական շրջանների ղեկավարները: