Հայաստանում առաջիկայում բարձրանալու է գազի սակագինը: Ճիշտ է, ՀՀ հանրային ծառայությունները կարգավորող հանձնաժողովի մամուլի քարտուղար Մարիամ Ստեփանյանը «Ժողովուրդ»-ին տեղեկացրեց, որ ՀՀ-ում գազի սակագինը բարձրացնելու մասին դեռեւս հայտ չի ստացել, սակայն «Հայռուսգազարդ»-ի մեր լավատեղյակ աղբյուրները պնդում են, որ առաջիկա ամիսների ընթացքում այդ դիմումը, այնուամենայնիվ, կներկայացվի: Հատկապես որ առաջիկա չորս տարիների ընթացքում Հայաստանում համապետական ընտրություններ չեն սպասվում: Ինչը նշանակում է, որ իշխողներն անարգել կգործեն: Հիշեցնենք, որ ՀՀ իշխանություններին այդպես էլ չհաջողվեց գազի սակագինը չբարձրացնելու վերաբերյալ համաձայնության գալ ռուսական կողմի՝ «Գազպրոմ»-ի հետ: Ըստ «Ժողովուրդ»-ի տեղեկությունների՝ հիմա բանակցություններն ընթանում են սակագնի վերաբերյալ այն թեքումով, որ այն գոնե շատ չբարձրանա:
.gif)
