Ապահով Հայաստանի իշխանիկները հերթական անակնկալը մատուցեցին. գազի սակագների բարձրացմանը զուգահեռ բարձրանալու է նաեւ էլեկտրաէներգիայի սակագինը: Ընդ որում, այս անգամ ոչ թե “Հայաստանի էլեկտրացանցեր” ռուսական ընկերությունն է համապատասխան դիմում ներկայացրել ՀՀ հանրային ծառայությունները կարգավորող պետական հանձնաժողովին, այլ հանձնաժողովն է սեփական նախաձեռնությամբ էլեկտրաէներգիայի սակագների վերանայման գործընթաց սկսել՝ “հաշվի առնելով 2013-2014 թվականներին կանխատեսվող էլեկտրաէներգիայի (հզորության) արտադրության հաշվեկշռի փոփոխությունը, ջերմային կայաններին վաճառվող բնական գազի սակագնի հնարավոր փոփոխությունը, ԱՄՆ դոլար/դրամ փոխարժեքի մեծության եւ մի շարք այլ գործոնների փոփոխությունները”:
Թե ինչքան կբարձրանա այսօր գործող մեկ Կվտ/ժ 30 դրամ սակագինը, դեռ պարզ չէ, բայց փաստ է, որ ՀՀ իշխանություններն այնքան են ցինիկացել, որ ռուսական ընկերության ստանալիք շահույթը ավելի են կարեւորում, քան հարազատ երկրի քաղաքացիների սոցիալական վիճակը: Իհարկե, հասկանալի է, որ գազի սակագնի բարձրացումից հետո պետք է թանկանա նաեւ էլեկտրաէներգիան, բայց գոնե սպասեին՝ “Հայաստանի էլեկտրացանցեր” ՓԲԸ-ն մտահոգվեր:
“Ժողովուրդ” օրաթերթի 541 համար
.gif)
