Սերժ Սարգսյանը երեկ Հայաստանի ազգային գրադարանում հանդիպել է երիտասարդ գիտնականների աջակցության ծրագրերի ղեկավար եւ խորհրդատու մարմինների անդամների հետ: Վերջիններս Ս. Սարգսյանին են ներկայացրել 2012թ. հուլիս-2013թ. ապրիլ ամիսներին իրենց ծրագրի հիմնական արդյունքները: Ս. Սարգսյանն էլ պատրաստակամություն է հայտնել շարունակել այդ ծրագրի օժանդակությունն ու 2013թ. համար կրկին հատկացնել 100 մլն դրամ: Ուշագրավը, սակայն, այն է, որ երեկվա հանդիպման ներկաների մեծամասնությունը՝ այս ծրագրի ղեկավարները, ՀՀԿ անդամներ են՝ կուսակցական կրծքանշաններով: Ասել է թե՝ անգամ գիտության ոլորտն իշխանությունները բաժանել են յուրայինների եւ օտարների, ու հիմա ՀՀԿ-ականները նաեւ գիտության ֆինանսավորման անվան տակ են գումարները մեջ-մեջ անում:
.gif)
