2013 թվականի դեկտեմբերի 26-ին ՀՀ կառավարությունը հաստատել է «Արմենիա միջազգային» օդանավակայաններ ՓԲԸ զարգացման մաստեր պլանը: Այս մասին տեղեկացնում է Քաղաքաշինության նախարարությունը, որի մամուլի ծառայությունը նաև պաշտոնական հայտարարություն է տարածել «Զվարթնոց» միջազգային օդանավակայանի հին շենքը քանդելու որոշման վերաբերյալ:
«Հաշվի առնելով «Սեյսմիկ պաշտպանության արևմտյան ծառայություն» ՊՈԱԿ-ի կողմից կազմված «Զվարթնոց» միջազգային օդանավակայանի թիվ 1 համալիրի կառույցների տեխնիկական վիճակի և սեյսմիկ խոցելիության գնահատման վերաբերյալ տրված հաշվետվությունը, «Արմենիա» Միջազգային օդանավակայաններ» ՓԲԸ-ին 2015 թվականի դեկտեմբերի 24-ին տրվել է հին համալիրի օղակաձև վթարային էստակադայի ապամոնտաժման թույլտվությունը:
Նկատի ունենալով խնդրի կարևորությունը, ՀՀ քաղաքաշինության նախարարությունում նախատեսվում է կազմակերպել հանդիպում-քննարկում՝ շահագրգիռ կողմերի, այդ թվում՝ «Զվարթնոց» միջազգային օդանավակայանի կոնցեսիոների, Երևանի քաղաքապետարանի և ճարտարապետների մասնակցությամբ»,-ասված է հաղորդագրության մեջ:
.gif)
