«Հայկական ժամանակ» թերթը գրում է. «Անցյալ տարվա փետրվարյան իրադարձություններից հետո «Բարգավաճ Հայաստան» կուսակցության շարքերը լքած ԱԺ պատգամավոր Մարտուն Գրիգորյանը երեկ Գյումրիում քաղաքական էլիտայի մասնակցությամբ նշում էր իր ծննդյան 35-ամյակը։
Պատգամավորն իր տարեդարձին հրավիրել էր ինչպես ՀՀԿ-ականների, այնպես էլ ԲՀԿ-ականների։ Իսկ ԱԺ նախագահ Գալուստ Սահակյանը երեկ Գրիգորյանին 35-ամյակի կապակցությամբ պարգևատրեց ԱԺ նախագահի հուշամեդալով հասարակական-քաղաքական կյանքում ներդրած մեծ ավանդի և ծավալած գործունեության համար։ «ԱԺ նախագահը կարևորել է պատգամավորի գործունեությունը քաղաքական ասպարեզում և մաղթել նոր ձեռքբերումներ ու հաջողություններ»,- ասված է ԱԺ հաղորդագրության մեջ։ Այսպիսով, իշխանությունը բացահայտ ցույց տվեց, որ այս տարի Գյումրիում սպասվող քաղաքապետի ընտրություններում հենց Մարտուն Գրիգորյանն է լինելու իր թեկնածուն։ Գյումրիի նախկին և գործող քաղաքապետեր Վարդան Ղուկասյանի և Սամվել Բալասանյանի հոգեվիճակի մասին տեղեկություններ չկան»:
Ավելի մանրամասն՝ թերթի այսօրվա համարում։
.gif)
