Համաշխարհային տնտեսական ֆորումը, որին ամեն տարի մասնակցում են քաղաքական և բիզնես էլիտայի առաջատար ներկայացուցիչները, բացվել է այսօր շվեցարական լեռնադահուկային հանգստավայրում՝ Դավոսում:
Կազմակերպիչները գլխավոր թեման հայտարարել են չորրորդ արդյունաբերական հեղափոխությունը, սակայն հանդիպման մասնակիցները կքննարկեն նաև մի շարք ակտուալ քաղաքական և տնտեսական թեմաներ, այդ թվում՝ նավթի համաշխարհային գների անկումը, Իրանի դեմ պատժամիջոցների չեղարկումն ու ահաբեկչության սպառնալիքը:
«Չորրորդ արդյունաբերական հեղափոխությունն իրենից ներկայացնում է ֆիզիկական, թվային և կենսաբանական աշխարհի միախառնումը, որը նոր հնարավորություններ է ստեղծում և ազդեցություն է ունենում քաղաքական, սոցիալական և տնտեսական համակարգերի վրա»,-ասել է ֆորումի հիմնադիր և նախագահ պրոֆեսոր Կլաուս Շվաբը:
Այս տարի ֆորումին կմնասնակցեն ավելի քան 40 պետությունների և կառավարությունների ներկայացուցիչներ, ներառյալ՝ Գերմանիայի, Շվեյցարիայի, Աֆղանստանի, Աֆրիկայի և Մեքսիկայի նախագահները, ինչպես նաև` Մեծ Բրիտանիայի, Ֆրանսիայի, Հունաստանի, Կանադայի և Արգենտինայի վարչապետները. փոխանցում է ՏԱՍՍ-ը:
Թարգմանիչ՝ Քրիստինե Պողոսյան
.gif)
