ԵՐԿՈՒ ՏԱՐԵԴԱՐՁ

Արցախի հերոս, ազատամարտիկ, ՀՀ պաշտպանության նախկին փոխնախարար, գեներալ-մայոր Արկադի Տեր-Թադեւոսյանի (Կոմանդոսի) ծննդյան օրն էր:
Արցախի հերոսը ծնվել է 1939-ի մայիսի 22-ին Թբիլիսիում: Ավարտել է Բաքվի զինվորական ուսումնարանը, այնուհետեւ Լենինգրադի տրանսպորտի եւ թիկունքի ռազմական ակադեմիան: Ծառայել է Աֆղանստանում, Գերմանիայում, Չեխոսլովակիայում, Բելառուսում, Հայաստանում: 1988-ից միացել է Արցախի ազատագրման պայքարին: 1992թ. մայիսին նախապատրաստել եւ փայլուն ձեւով իրականացրել է Շուշի քաղաքի ազատագրումը՝ «Հարսանիք լեռներում» օպերացիան:
Մայիսի 22-ին նաեւ մյուս հայ կենդանի լեգենդի՝ շանսոնյե Շարլ Ազնավուրի ծննդյան օրն էր, նա նշեց իր 89-ամյակը: Ազնավուրը մեծ ներդրում է ունեցել հայկական քաղաքների վերականգնման գործում, որոնք տուժել էին 1988թ. երկրաշարժից: 2009թ.-ից Ազնավուրը Շվեյցարիայում Հայաստանի դեսպանն է եւ մեր երկրի մշտական ներկայացուցիչը ՄԱԿ-ի գրասենյակում: