2015-ի նոյեմբերի 25-ին ԱԱԾ և ոստիկանության հատուկ ջոկատայինների կողմից, ըստ ԱԱԾ հայտարարության, «վնասազերծված զինված հանցախմբի անդամ» համարվող Լիլիթ Թորոսյանն ազատ է արձակվել:
Այս մասին ArmLur.am-ին հայտնեց Թորոսյանի պաշտպան Գեղամ Հակոբյանը՝ հավելելով, որ նրա նկատմամբ խափանման միջոց է ընտրվել ստորագրությունը չհեռանալու մասին:
Հիշեցնենք, որ նախորդ շաբաթ որոշ մեղադրյալների կալանքի ժամկետը երկարացվել է ևս երկու ամսով:
Ավելի վաղ հայտնել էինք, որ մեղադրյալներից Լիլիթ Թորոսյանը Գյումրու «Մարիամ» ռադիոկայանում է աշխատել: Այստեղ կատարված խուզարկությունից հետո ազգային անվտանգության մարմինները ռադիոյի համակարգիչները առգրավվելուց զատ իրենց հետ տարել էին «Մարիամ» ռադիոկայանի Գյումրու մասնաճյուղի հիմնադիր Հայր Անտոն Ծայրագույն Վարդապետ Թութունջյանին ու ռադիոյի աշխատանքները համակարգող 30-ամյա Լիլիթ Թորոսյանին: Վերջինս ռադիոընկերության եթերում հարցազրույց էր անցկացրել Արթուր Վարդանյանի հետ:
.gif)
